౧౪. రచన: డా|| యస్వీ. రాఘవేంద్రరావు
("పెళ్ళికానుక" చిత్రంలోని "ఆడేపాడే పసివాడా !" వరుస)
పల్లవి|| చల్లనైన ఓ తల్లి! - ఉల్లమందు నీ ధ్యాస
ఎల్లకాలముండునటుల దీవించుమా !
పిల్లలతో నిండుగ - ఇల్లంత పండుగ
చల్లగ నొనరింపుమా ! - చల్లగ నొనరింపుమా ! ||చల్లనైన||
చ|| ౧. ఐదువతనమివ్వ - నీకన్న మిన్న
వెదకిన లేరీ - జగమున నెన్న
హృదయములోన - ధార్మిక చింత
ఉదయముపొంద - వరమీవమ్మ !
తథ్యముగాను - నీవంటి దేవత
వెదకిన లేదిలలో - వెదకిన లేదిలలో ||చల్లనైన||
చ|| ౨. ఇహలోకంబె - నిత్యంబంచు
అహమున కొందఱు - నిను విడనాడి
ఊహాతీతం - పరలోకంబని
విహరణ చేతురు - మూర్ఖు లిధరను
ఊహించగ - భవసాగరమీద
మహిలో నీచింతెకదా ! - మహిలో నీ చింతెకదా ! ||చల్లనైన||
No comments:
Post a Comment