ఈరోజే కాకినాడ జగన్నాధపురం లోని విష్ణ్వాలయం లో ప్రతి నెలా పద్యం

క్షేత్ర మాహాత్మ్య కావ్యాలు రకాలు

మూలం ద్రాక్షారామ క్షేత్ర సాహిత్య సమీక్ష సిద్ధాంత గ్రంధం (అముద్రితం)

విశ్వనాధ వారి ఆంధ్రప్రశస్తి 1

సాహిత్య ప్రసంగం 

ప్రసంగకర్త :డా.యస్వీ రాఘవేంద్ర రావు 

వ్యగ్రమానసరోగి యీ ఉగ్రవాది

                  (ఉగ్రవాదం)

సీ||  ప్రాణముల్ దీయుటే పరమార్థమని యెంచు

           కఱకు కసాయివి కావె నీవు ?

     తల్లిదండ్రుల, భవద్బంధుజనుల వీడి

           కానల నొంటరి కావె నీవు ?

     మీ "ముఠా" నేతల "మిథ్యల్", జిహాద్" నమ్ము

           కఠినరాక్షసుడవు కావె నీవు ?

     మోమానకుండగ ముసుగును దాల్చెడు

           కాతరాత్ముండవు కావె నీవు ?

ఆ||వె|| నీతిబాహ్యకార్యనిర్వహణాధుర్య !

       చెనటి ! "ఎత్తువారి చేతిబిడ్డ !"

       "కరుణ" కలదె నీ నిఘంటువు నందున ? 

       రక్తతర్పణంబె రక్తి నీకు.

సీ||    "బాం"బమరిచి, పేల్చి వహ్ని రగుల్తువు

            మారణహోమ సంరంరంభవేళ

       వేడిరక్తంబు హవిస్సుగా వేల్తువు

            మారణహోమసంరంభవేళ,

       ఎముకముక్కల నీవు సమిధల జేయుదు

            మారణహోమసంరంభవేళ,

       హవ్యముగావేల్తు వా మాంసఖండముల్

            మారణహోమసంరంభవేళ,

తే||గీ||  "హాహకారము"లగును "స్వాహాస్వనములు",

       "వేదమంత్రధ్వను" లగు "దద్రోదనములు",

       ఇట్టి "నరమేధ"మందు నీ కేది "ఫలము" ?

       అసువు "లాత్మాహుతి"కి "పణ" మగుట తప్ప.

సీ||    ప్రజల భయావహుల నొనర్చుటయె గురి

            నాటు బాంబులతోడ చేటు గూర్చు,

       రక్తపుటేరులు ప్రవహించుటే గురి

            మానవబాంబుగా మారనేర్చు,

       మారణాయుధపు సంపాదనపై గురి,

            మాదకద్రవ్యంపు మత్తుగూర్చు

       నేతల విడిపించు నిర్ణయంబే గురి

            అధికార నేతల నపహరించు,

తే||గీ||  హింసకు ప్రతిరూపంబు "విధ్వంసవాది",

       "వ్యగ్రమానసరోగి యీ యుగ్రవాది",

       రక్తపురుచి మరగిన వ్యాఘ్రముల నుగ్ర

       వాదుల నెదురు రక్షణపాటవాల

       సకలదేశంబు లొక్కటై సాగినపుడె

       యందరేకమైనప్పుడే యణచగలము.

డా.యస్వీ రాఘవేంద్ర రావు 

(ది.౦౩.౦౬.౨౦౧౨ తేదీని కడియంలో నిర్వహింపబడిన ప్రతినెలా పద్యం

కార్యక్రమానికి అధ్యక్షత వహించినపుడు "ఉగ్రవాదం" అనే అంశంపై

గానం చేసినవి.)

ప్రతి నెలా పద్యం

అలరించిన కైలాస సభ

కైలాస సభ 41

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 41
సమాప్తం 

హృదయాంజలి

కైలాస సభ 40

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 40

వేమన కబీరుల భావసామ్యాలు

పస్వంతి  పరిశోధక మండలి ప్రత్యెక సంచిక నుండి 

కైలాస సభ 39

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 39

కవుల దర్శనం లో కందుకూరి

ప్రత్యెక సంచిక నుండి 

కైలాస సభ 38

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 38

పద్యాలపై భయాన్ని వీడాలి

(16/11/2011)

కైలాస సభ 37

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 37

స్ఫూర్తి ప్రదాత కృష్ణ శాస్త్రి

28/11/2011

28/11/2011 సాక్షి దిన పత్రిక నుండి 

కైలాస సభ 36

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 36

రామాయణ కల్పవృక్షం అద్భుత కావ్యం

(10/11/2011)

10/11/2011 సాక్షి దిన పత్రిక నుండి 

కైలాస సభ 35

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 35

ప్రాచీన సంస్కృతిని పరి రక్షిస్తున్నది వాజ్మయమే

కైలాస సభ 34

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 34

నాటి సంప్రదాయముల కాణాచి పెండ్లి

               నాటి సంప్రదాయముల కాణాచి పెండ్లి

మ.  ఒక జాతిన్ నభివృద్ధి మార్గమున నెన్నో రంగముల్ నిల్పవే ?

      వికసింపన్ ఘన సంస్కృతి ప్రచురతల్ విద్యాకళాసాహితీ

      సకలం బూతము; తెల్గు సంస్కృతియు భాషాదీప్తి ప్రాచీనతన్

      అకళంకంబుగ గాంచ గల్గినది; గణ్యంబయ్యె నాంధ్రాళియున్.

మ.  పరమేశుండును, పాలకుండు, గురుడున్, పౌరుండు, సంస్కారమన్

      వర సౌధానకు నాల్గు స్తంభములుగా ప్రాచీనధర్మంబులన్

      పరిరక్షించిరి; బాధ్యతాయుతముగా బల్ మేళ్ళ, సత్పాలనన్,

      పరమాశీస్సుల, కర్మలన్ నెఱపి నిల్పంజాలి రీ సంస్కృతిన్.

మ.  "అతిథిన్" దేవుడటంచు జేయుదుము మర్యాదల్ సదాత్మీయతన్;

      సత "మభ్యాగతు" విష్ణువంట మన సంస్కారంబ దాంధ్రావనిన్

      క్రతుసామ్యాచరణానుపూర్విగ సదారాధ్యంబు; తత్సంస్కృతిన్

      అతివల్ ! సాకుచు "నన్నపూర్ణ"లయి పూర్వాచారముల్ నిల్పుడీ !

ఉ.   "రాకులు" "షేకు" లంచు నడిరాతిరి "క్లబ్బులు" "పబ్బు"లందునన్

      సాకు, లసత్యముల్ బలికి చాలగ పెద్దల మోసగించుచున్

      "చీకటితప్పు" లొప్పని "ఖుషీ" కయి "పెగ్గులు" "నిబ్బు" లానుచున్

      లోకములోన దుర్వ్యసనలోల సమాజము తూలిసోలెడున్.

శా.   స్త్రీపుంభేదము లేక యీ "యువత" "స్టోన్" "జీన్" దుస్తులన్ దాల్చుచున్

      "క్రాపిం"గంచును కత్తిరించుకొని దీర్ఘంబైన కేశంబులన్

      "షాపింగంచును "ఫ్రెండ్సు"తో తిరుగుచున్ "సై" యంచు "డేటింగు"లన్

      పాపంబులు సలుపంగ భీతిలక దుర్వారంబుగా వర్తిలున్.

ఉ.   ఒద్దిక చీరగట్టుకుని ఉత్తమపత్నిగ తెల్గుకోడలా !

      దిద్దిక పుత్రపౌత్రులను దీప్తముజేయుచు తెల్గు సంస్కృతిన్

      వద్దిక "ఫ్యాంటు షర్టు" లవి "ఫ్యాషను" కైనను దాల్పబోకుమా !

      ముద్దిక నోము పండుగల ముచ్చటలారగ నాచరింపగన్.

మ.   తరలెన్ "యౌవత" మజ్ఞతాగరిమతో దర్పించి వ్యామోహియై

       హరివిల్ రంగు విదేశసంస్కృతిని వెంటాడన్ మహోత్కృష్ట మా

       దరణీయంపు స్వదేశ సంస్కృతుల ప్రాధాన్యంబు గుర్తింపకన్;

       తరుణం బియ్యది మాతృభాష నిల సమ్మానింపగా సోదరీ !

సీ.    రెండు దెందంబుల నొండుగాజేసెడు

              మోహపుబంధంబు మూడు ముళ్ళు,

        జీవితాంతంబును జేదోడు వాదోడు

               పావనబంధంబు "పరిణయంబు",

        కష్టసుఖంబుల కావడిమోసెడు

                నియమబంధంబు "పాణిగ్రహణంబు",

        సంసార రథచక్ర సమవర్తులనుజేయు              

                నుత్కృష్ట బంధ మీ "ఉపయమంబు",

        "మనువు" జీవితపాథేయ" మనగ మనిచి,

        పసిడి యక్కరంబుల మన:ఫలకములను

        జీవితగ్రంథలిఖితమౌ చిరతరంబు,

        నాటి సంప్రదాయముల కాణాచి "పెండ్లి." 

  డా. యస్వీ. రాఘవేంద్రరావు.

"భారతీయసంస్కృతి ప్రభ" అనే విషయంపై ది.౨౯.౦౪.౨౦౧౨ తేదీని ఆంధ్రపద్యకవితాసదస్సు తూర్పు గోదావరిజిల్లా శాఖ ఆధ్వర్యంలో రాజమండ్రిలో నిర్వహింపబడిన పద్యకవిసమ్మేళనానికి అధ్యక్షత వహించి గానం చేయబడినవి.) 

 

కృతజ్ఞతాంజలి

 నా "సుమశ్రీ" బ్లాగు ప్రారంభించి ఒక వసంతం గడచిన సందర్భంగా
నా బ్లాగును సందర్శించి చక్కని సలహాలు, అభినందనలు అందజేసినబ్లాగర్లకు, అబిమానులందరికి కృతజ్ఞతాభివందనములు !
                                                           భవదీయ,
                                             డా|| యస్వీ. రాఘవేంద్రరావు. (సుమశ్రీ )                                

కైలాస సభ 33

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 33

కైలాస సభ 32

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 32

కైలాస సభ 31

సాహితీ రూపకం

దృశ్య చిత్రీకరణ ;యస్.రవి కిశోర్

భాగం 31