.jpg)
సీ. "కోరికలను వీడి కూర్మి సంతుష్టితో
మనసు స్వామిపయిన నునుచుడయ్య !"
"అన్నము వండితి నందరు కూర్చొని
భోజనంబును సేయ పూనుకొనుడు !"
"మూస సిధ్దంబయ్యె, ముక్తమానసముల
పూనికతో పోత పోసికొనుడు !"
"కామినీకాంచన కామమోహము లేది
సాధకా ! సల్పుము సాధనంబు !"
గీ. ఇట్టి "బోధనామృత" మిచ్చినట్టి యోగి !
ఘనత మించిన శిష్యుని గన్న ధన్య !
భక్తి జగదంబ గాంచిన భాగ్యశాలి !
రామకృష్ణ పరమహంస ! రమ్యధామ !
రచన: డా.యస్వీ.రాఘవేంద్రరావు
No comments:
Post a Comment