పద్య కవిత

 వివిధ వృత్తంపు వేర్వేరు మడులయందు
         గణసముహపు బీజగణములుంచి,
నవరసవృష్టి ననారతంబును సాకి
         భావంపు టెరువుల బలము గూర్చి,
మృదుపదసస్యంబు లదనుమై పెంచుచు
        కవనసేద్యము సేసి కవికృషికుడు
కావ్యంపు పంటలు ఘనముగా పండించి
        సహృదయ పరితుష్టి సంతరించి,
అఖిలశ్రోతృ పఠితృ హృదయాబ్జ తతిని
భాను పగిదిని నలరించు "పద్య కవిత,
చదువు కొలదిని సుధలిచ్చు సరస కవిత,
హృద్య మనవద్య మైన దీ పద్య కవిత. 
డా .యస్వీ  రాఘవేంద్ర రావు .