దే కద ! ధాత్రి స్వర్ణయుగ దిగ్జయపాలన శౌర్యబంధురా !
యీ కవి దిగ్గజాలనిటు లేలుచు దానజలైకధారలన్
మేకొన కీర్తిచంద్రికలు మేదిని గ్రాలుము కృష్ణభూవరా !
రాయల సాటి యెవ్వరిల రాజిత సంగర సాహితీమహో
పాయములందు; పల్కు లవి పాయని యస్త్రములై జయం బిడున్
తీయని కంఠ మెత్తగనె తేనెల సోనలు జాలువారెడున్
హా ! యని ఖడ్గముల్ కలము లంతట వీడి జయంబు పల్కరే ?
జే యని వీరులున్ కవులు; చేకురు మీకు శుభంబు భూవరా !
సాహితీ సమరాంగణ సార్వభౌమ !
అత్త కోడండ్రు నీ యింట పొత్తుతోడ
చిరము కాపురంబుండి యచ్చెరువు గొలుప
విభవ కవితా ఘనస్ఫూర్తి వేడ్క నింప
దిగ్గజారూఢ నీ కీర్తి దివ్య హంసి
విహరణము సేయుగాక ! దిగ్వీధులందు
భువన విజయాభిరామ ! సంపూర్ణ మూర్తి !
అష్ట కవికల్పభూజ ! ఓ ఆంధ్ర భోజ !
డా .యస్వీ రాఘవేంద్ర రావు .
No comments:
Post a Comment