రచన: డా.యస్వీ.రాఘవేంద్రరావు
రాగం: భీంప్లాసు తాళం: ఖండగతి
(చాయ : మాతెనుగుతల్లికి)
పల్లవి|| శ్రీలక్ష్మిదేవికి - శ్రీకల్పవల్లికి
మాయింటి వేల్పుకు - మావందనములు ||శ్రీలక్ష్మి||
అ||ప || పాలసంద్రమునందు - ప్రభవించి ఓతల్లి !
వైకుంఠవాసుని - ఇల్లాలివైనట్టి ||శ్రీలక్ష్మి||
చ||౧. స్థిరతయే ఎరుగని - శ్రీదేవి ఓజనని !
మాయింట స్థిరముగా - మనుచు మమ్మేలుచు
నిత్యమూ నీచింత - నిలచియుండేటట్లు
కరుణించి మమ్మేలు - కమలాయతాక్షి ! ||శ్రీలక్ష్మి||
చ||౨. ఈప్సితార్థములివ్వ - నీకన్న మిన్నెవరు ?
అని నొక్కిపల్కుచు - అనురక్తితో నేను
నీ పూజలే చేసెదా - నీ పాటలే పాడెదా
జై లక్ష్మిదేవి ! - జై లక్ష్మిదేవి ! ||శ్రీలక్ష్మి||
No comments:
Post a Comment